Алматыда электр қуаты дерекөзін қайта іске қосу бір жарым сағат ішінде жүргізіледі, - деп хабарлайды Tengrinews.kz тілшісі электртиімділік және инфрақұрылымдық даму басқармасына сілтеме жасап.
"15 шілдеде сағат 14.14-де "АлЭС" АҚ 2-ЖЭО көзінде техникалық ақау пайда болды, бұл қаланың едәуір бөлігін энергиямен жабдықтауда іркіліске алып келді. Қазіргі уақытта ЖЭО-2-де КЛ-220 кВ электр қуаты берілді. Сондай-ақ қаланың сыртқы шеңбері бойынша (KEGOC 220 кВ желісі) қаланы электр энергиясына қосу үдерісі жүріп жатыр.
Дереккөзді қайта іске қосу 1-1,5 сағат ішінде болады. Электр энергиясын беру 17.00-ге дейін толық көлемде қалпына келтіріледі", - делінген хабарламада.
Басқарма өкілдері қазіргі уақытта бағдаршамдардың жұмысы қалпына келтірілгенін айтады. ПД 450 қызметкері жол қозғалысын бақылау мен реттеуді қамтамасыз етеді.
"Арнайы жұмыс тобы апат себептерін анықтайды. Мегаполистегі жағдай бақылауда", - деді ведомство өкілдері.