Синоптиктер 2019 жылдың 23-25 шілде аралығында ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
"Қазақстанның солтүстік және шығыс бөлігіне Орал ауданынан салқын және ылғалды ауа келіп түсіп жатыр. Оңтүстік-шығыс бағытта жылжитын атмосфералық фронттармен бірге, бұл өңірлерде найзағай ойнап, кей жерлерде күшті, дауылды жел тұрып, бұршақ жаууы мүмкін", - делінген хабарламада.
Оңтүстік облыстарда ауа температурасы плюс 38-45 градус ыстық ауа райы сақталады.
