+7 (777) 001 44 99
Қазақша
Русский
English
Алматыда әл-Фараби даңғылы мен Саин көшесінде және Шығыс айналма автокөлік жолында жылдамдық режимі өзгереді. Сағатына 80 шақырым жылдамдық режимі қайта қойылады, - деп хабарлайды Тengrinews.kz тілшісі.
"Осыған байланысты әкімдік әлеуметтің жоғары сұранысын назарға ала отырып, әл-Фараби даңғылы мен Шығыс айналма автокөлік жолына сағатына рұқсат етілген 80 шақырым жылдамдықты қайтару туралы шешім қабылдады. Бұл осы көшелердің бірегей айналма жолына байланысты міндеттеріне сай келеді", - делінген Алматы әкімдігінің баспасөз релизінде.
Биыл 15 қаңтарда әл-Фараби даңғылы, Саин көшесі және Шығыс айналма автокөлік жолында орташа жылдамдық сағатына 80 шақырымнан 60-қа түскен болатын. Көрсетілген жылдамдықтан асып кеткен жағдайда 5-тен 20 айлық есептік көрсеткіш айыппұл қарастырылған. Шенеуніктер осындай қадам арқылы жол апатын азайтуды көздеген.
Алғашқы айларда дәл осы көшелерде камералар 5 мыңнан аса жылдамдық режимі бұзылған сәтті тіркеген. Айыппұлдардың жалпы сомасы 65 миллион теңгеден асқан болатын.
