+7 (777) 001 44 99
Қазақша
Русский
English
Олимпиада чемпионы Данияр Елеусіновтің (8-0, 4 КО) рингке оралатын уақыты белгілі болды. Жекпе-жектің мән-жайы туралы Vesti.kz порталына қазақстандық боксшының менеджері Зия Алиев айтып берді.
"20 желтоқсан. Лас-Вегаста Дэниэл Джейкобс және Хулио Сезар Чавестің бокс кешінде. Жекпе-жек он раундты болады. Қарсыластың есемін кейінірек айтамыз", - дейді менеджер.
Бұл жартылай орта салмақта өнер көрсететін қазақстандық боксшының кәсіпқойдағы тоғызыншы кездесуі және Лас-Вегастағы алғашқысы болады. 28 жастағы Елеусінов кәсіпқой рингке 2018 жылы өтіп, барлық сегіз жекпе-жегінде жеңіске жеткен. Қыркүйектегі соңғы кездесуінде Данияр амеркиалық Решард Хиксті (12-1-1, 6 КО) нокаутпен жеңіп, DAZN өкілдерін таңдандырған еді.
Мұның алдында қазақ боксшының промоутері Эдди Хирн 2020 жылға деген жоспарларымен бөліскен - Елеусінов келесі жылы чемпиондық титул үшін жұдырықтасуы мүмкін.
