+7 (777) 001 44 99
Қазақша
Русский
English
Ақтауда мас күйінде көлік жүргізген жүргізуші бағдаршамның қызыл түсіне тоқтамай, көлікпен соқтығысты, - деп хабарлайды mangystaumedia.kz.
Оқиға 11 қарашада Ақтау қаласындағы "Мәңгілік алау" ескерткішінің қиылысында болған. Audi 100 және Toyota Camry маркалы автокөлітер соқтығысқан.
Маңғыстау облыстық полиция департаменті баспасөз қызметінің мәліметінше, апаттан ешкім зардап шекпеген.
"Audi 100 жүргізушісі 599-баптың 1-бөлігіне ("тыйым салынған бағдаршамда жүру") және ҚР Әкімшілік құқық бұзушылық туралы кодексінің 608-бабының 3-бөлігіне сәйкес ("мас күйінде көлік құралын басқару, сондай-ақ көлік құралдарына нұқсан келтіретін әрекеттер") хаттама толтырды", - дейді Маңғыстау облысы полиция департаментінің баспасөз қызметі.
Қазіргі таңда көлік айыппұл тұрағына жеткізілді. Шешім қабылдау үшін оқиға әкімшілік сотқа жіберілді.
