Қызылорда қаласының тұрғындарын алдаған алаяқ ұсталды, - деп хабарлайды Tengrinews.kz тілшісі Қызылорда облысы Полиция департаментінің баспасөз қызметіне сілтеме жасап.
2018 жылдың қыркүйек айында азамат Ж.С. Атырау қаласында орналасқан "Тенгиз-Шевройл" ЖШС-не түрлі мамандықтар бойынша жұмысқа орналастырып беремін деп бірнеше қала тұрғындарын алдап, алаяқтық жолмен ақшаларын иемденген.
Жалпы жәбірленушілерге келтірілген шығын - 3 454 200 теңге. Жедел-іздестіру шараларының нәтижесінде Қызылорда қаласының 34 жастағы тұрғыны ұсталыды. Ол кінәсін толығымен мойындады.
Оның іс-әрекеті ҚР Қылмыстық Кодексінің 190-бабы, 2-бөлігі, 2-тармағымен сараланып, айыптау актісімен сотқа жолданды.
Қызылорда қалалық сотының 2019 жылы 3 маусымдағы үкімі негізінде айыпталушыға 2 жыл мерзімге бас бостандығынан айыру жазасы тағайындалды. Сонымен қатар, сот жәбірленушіге келтірілген шығынды заңмен белгіленген тәртіппен өтеуді міндеттеді.