+7 (777) 001 44 99
Қазақша
Русский
English
Президент Қасым-Жомарт Тоқаев Абай Құнанбаевтың 175 жылдық мерейтойына бөлінетін қаржының жұмсалуын жіті бақылауды тапсырды, - деп хабарлайды Tengrinews.kz тілшісі.
Тоқаев Шығыс Қазақстан облысының әкіміне Абайдың 175 жылдығына арналған шығынды қысқарту керегін айтты.
"Бұл шара ұлы тұлғаны ұлықтауға арналған. Демеушілердің қаржысына болсын көп концерт жасап, шетелден әртіс алып келудің қажеті жоқ. Менің ойымша, шараларды іскерлік форматта өткізу керек. Сіз әкімдердің арасындағы тәжірибелі мамансыз, сондықтан Абайдың 175 жылдығы аясында өтетін іс-шараларды дұрыс бақылауыңыз керек", - деді Тоқаев ШҚО әкіміне.
Президент шаралар практикалық бағытта, идеологиялық жүктеме бойынша өтуі керегін айтты.
"Осы секілді іс-шаралар осындай көзқараста өтуі керек", - деді Мемлекет басшысы.
