+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бүгінде облыстық театрларда бір спектакльге бөлінетін қаржының көлемі республикалық көрсеткіштен 10 есе төмен. Үкіметтің бүгінгі отырысында театр мәселесін көтерген ҚР Мәдениет және ақпарат министрі Мұхтар Құл-Мұхаммед жергілікіті шенеуніктерді тойға емес, театрға көптеп ақша салуға үндеді, деп хабарлайды Tengrinews.kz тілшісі. Министрдің сөзіне қарағанда, қазіргі кезде республикалық театрларда бір спектакльді сахналауға 2 млн. теңгеден астам қаржы жұмсалады. Бұл Ресей театрлармен салыстырғанда, 10-15 есе аз. Ал облыстық театрдағы бір спектакльге бөлінетін қаражаттың көлемі республикалық деңгейден 10 есеге төмен. Мәселен, Арқалық қазақ драма театрында 6 қойылымға 2,6 млн. теңге, Жетісай театрында 4 қойылымға 1,1 млн. теңге, Павлодар облыстық қазақ театрында 6 қойылымға 1,4 млн. теңге, яғни бір спектакльге небәрі 275-293 мың теңге ғана жұмсалады. "Айтыңыздаршы, ондаған әртіс қатысып, оларға арнайы костюм тігілетін, бірнеше рет көрініс ауысып, көптеген декорациялар мен реквизиттер жасалатын спектакльді небәрі 2 мың долларға жетер-жетпес қаражатқа сахналауға бола ма?! Мен бұл сұрақтарға жауапты аймақтық театрлардың бюджетін қарастыратын облыс әкімдерінің қаржы және экономика жөніндегі орынбасарларына бағыттағым келеді. Тіпті, сол шенеуніктердің ара-тұра болатын той-томалағына қатысатын кейбір эстрада "жұлдызшаларына" бұдан әлдеқайда көп қаламақы берілетінін олар жақсы біледі. Ендеше, олар бүгінгі айтылған сыннан тиісті қорытынды шығарады деп білемін", - деп атап көрсетті министр.
Бүгінде облыстық театрларда бір спектакльге бөлінетін қаржының көлемі республикалық көрсеткіштен 10 есе төмен. Үкіметтің бүгінгі отырысында театр мәселесін көтерген ҚР Мәдениет және ақпарат министрі Мұхтар Құл-Мұхаммед жергілікіті шенеуніктерді тойға емес, театрға көптеп ақша салуға үндеді, деп хабарлайды Tengrinews.kz тілшісі.
Министрдің сөзіне қарағанда, қазіргі кезде республикалық театрларда бір спектакльді сахналауға 2 млн. теңгеден астам қаржы жұмсалады. Бұл Ресей театрлармен салыстырғанда, 10-15 есе аз. Ал облыстық театрдағы бір спектакльге бөлінетін қаражаттың көлемі республикалық деңгейден 10 есеге төмен. Мәселен, Арқалық қазақ драма театрында 6 қойылымға 2,6 млн. теңге, Жетісай театрында 4 қойылымға 1,1 млн. теңге, Павлодар облыстық қазақ театрында 6 қойылымға 1,4 млн. теңге, яғни бір спектакльге небәрі 275-293 мың теңге ғана жұмсалады.
"Айтыңыздаршы, ондаған әртіс қатысып, оларға арнайы костюм тігілетін, бірнеше рет көрініс ауысып, көптеген декорациялар мен реквизиттер жасалатын спектакльді небәрі 2 мың долларға жетер-жетпес қаражатқа сахналауға бола ма?! Мен бұл сұрақтарға жауапты аймақтық театрлардың бюджетін қарастыратын облыс әкімдерінің қаржы және экономика жөніндегі орынбасарларына бағыттағым келеді. Тіпті, сол шенеуніктердің ара-тұра болатын той-томалағына қатысатын кейбір эстрада "жұлдызшаларына" бұдан әлдеқайда көп қаламақы берілетінін олар жақсы біледі. Ендеше, олар бүгінгі айтылған сыннан тиісті қорытынды шығарады деп білемін", - деп атап көрсетті министр.
