+7 (777) 001 44 99
Қазақша
Русский
English
Сыбайлас жемқорлыққа қарсы іс-қимыл агенттігі серіктестік департаментінің бас сарапшысы Сымбат Исрапулова "Аграрлық несие корпорация" АҚ-ның бұрынғы төрағасы Нармұхан Сарыбаевтың 5,3 миллиард теңгені заңсыз жолмен банк есепшотына салып, пайда тапқанын айтты, - деп хабарлайды Tengrinews.kz тілшісі.
Агенттік квазимемлекеттік компаниялардың екінші деңгейлі банктердің ұзақ мерзімді депозиттік шоттарына миллиардтаған бюджет қаражатын негізсіз орналастыру фактісін тергеп жатыр. Бұл ақша нақты мемлекеттік бағдарламаларды іске асыру үшін бөлініпті.
Алайда квазимемлекеттік сектордың жекелеген лауазымды тұлғалары бұл қаржыны заңсыз жолмен пайда табу үшін пайдаланған.
"2017-2018 жылдары ауыл шаруашылығы министрлігі "Аграрлық несие корпорация" АҚ басқарма төрағасы Нармұхан Сарыбаевтың басшылығымен банктегі депозитке 5,3 миллиард теңге салынған. Сарыбаев жүйелі түрде жеке тұлғадан 11 миллион теңге көлемінде пара және 53,5 миллон теңге көлемінде банктің сыйақысын алған", - дейді Сымбат Исрапулова баспасөз мәслихатында.
Нармұхан Сарыбаев. Фото: kazagro.kz
Оның айтуынша, 2019 жылы Нармұхан Сарыбаев "Оңтүстік аймақтық инвестициялық орталығы" ЖШС басқарма төрағасы болып сайланғаннан кейін де бұрынғы әдетіне басыпты. Ол жоғарыдағы әдіспен екінші деңгейлі банктің депозиттік шотына 1 миллард теңге салған. Осылайша, басшы жүйелі түрде 1,5 миллон теңге көлемінде пара алып отырған.
"Қазіргі уақытта Сарыбаев Нұр-Сұлтан қаласының тергеу изоляторына қамауға алынды. Тергеу жалғасып жатыр", - деді агенттіктің бас сарапшысы.
Қазақстан жаңалықтары. Соңғы жаңалықтар. Telegram желісінде бізге жазыл!
