+7 (777) 001 44 99
Қазақша
Русский
English
Қазақша
Русский
English
Ақ үй Ирандағы ядролық нысандарға соққы жасалған сәтте бұл операцияны бақылап отырған АҚШ президенті Дональд Трамп пен оның командасының суреттерін жариялады, - деп хабарлайды Tengrinews.kz тілшісі.
Еске салайық, Трамп АҚШ-тың Ирандағы ядролық нысандарға соққы жасағанын мәлімдеді. Оның айтуынша, америкалық ұшақтар қазір Иран әуе кеңістігінен шығып, АҚШ-қа қайтып бара жатыр. Сонымен қатар, Трамп әкімшілігі бұл шабуыл туралы Израильді алдын ала құлағдар еткен. Иран бұл әуе шабуылдарын растады.
Бұған дейін Трамп екі апта ішінде Иранға соққы жасау жөнінде шешім қабылдайтынын айтқан еді. Ал АҚШ вице-президенті елдің бұл соғысқа тікелей араласуына қарсы болған.
АҚШ-тың Ирандағы нысандарға жасаған шабуылы Израиль мен Иран арасындағы бір аптадан аса уақытқа созылған әуе қақтығыстары аясында болды. Қақтығыстар салдарынан екі елде де қаза тапқандар мен жараланғандар бар.
Ақ үйдегі жедел басқару орталығында кімдер болды?
X әлеуметтік желісінде Ақ үй парақшасында жарияланған кадрларда АҚШ Мемлекеттік хатшысы Марко Рубио, Пентагон басшысы Пит Хегсет, Орталық барлау басқармасының (ЦРУ) директоры Джон Рэтклифф көрсетілген.
Ситуациялық бөлмеде АҚШ-тың Иранмен соғысқа қатысуына қарсы болған АҚШ вице-президенті Джей Ди Вэнс те болған.
President Donald J. Trump in The Situation Room, June 21, 2025 pic.twitter.com/fw70poHb0O
— The White House (@WhiteHouse) June 22, 2025
President Donald J. Trump in The Situation Room, June 21, 2025 pic.twitter.com/NsVXkjPTbr
— The White House (@WhiteHouse) June 22, 2025Қызықты жаңалықтар мен видеоларды көру үшін TikTok арнамызға жазылыңыз!
Сілтемесіз жаңалық оқисыз ба? Онда Telegram желісінде парақшамызға тіркеліңіз!
