+7 (777) 001 44 99
Қазақша
Русский
English
Ақтауда "Сказка" аттракциондар паркінде екі бала зардап шеккен әткеншек жұмысы уақытша тоқтатылды, - деп хабарлайды Tengrinews.kz тілшісі.
Ақтау әкімдігінің мәліметінше, тексеріс аяқталғанға және барлық анықталған кемшілік жойылғанға дейін аттракцион жұмыс істемейді. Парк әкімшілігі мен қызметкерлеріне аттракционды өзгерту, яғни қоршауларды биік ету және аумаққа көліктердің кіру мүмкіндігін болдырмау тапсырылды.
Бұған дейін қала тұрғындары оқиға болғаннан кейін де аттракционның қалыпты режимде жұмысын жалғастырғанын айтқан еді.
Еске салайық, бұған дейін карусель іске қосылған сәтте екі бала жарақат алған: олар аттракцион жанында тұрған "Газель" көлігіне соғылған. Бақылаушы аумақтың бос екенін тексермеген.
Осы оқиғаға байланысты Маңғыстау облыстық полиция департаменті ҚР Қылмыстық кодексінің 306-бабы ("Ғимараттар, құрылыстар немесе көлік құралдарын пайдалану кезінде қауіпсіздік талаптарын бұзу") бойынша қылмыстық іс қозғады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
