+7 (777) 001 44 99
Қазақша
Русский
English
Ақтаудағы Caspi Bitum ЖШС мұнай өңдеу зауытында өрт шықты, - деп хабарлайды Tengrinews.kz тілшісі.
Бұл туралы "ҚазМұнайГаз" ұлттық компаниясының баспасөз қызметі мәлімдеді. Таратылған мәліметке сүйенсек, өрт бүгін таңертең болған.
"6 қыркүйекте сағат 08:05-те Caspi Bitum ЖШС-де атмосфералық колоннаға апаратын құбырда өрт шықты. Өрт ошағы сағат 08:32-де зауыттың стационарлық өрт сөндіру жүйесінің көмегімен сөндірілді. Сондай-ақ өртті оқшаулауға "Семсер-Өртсөндіруші" ЖШС және қалалық ТЖД өрт сөндіру қызметі қатысты", – делінген хабарламада.
Ұлттық компанияның мәліметінше, өрттен зардап шеккендер жоқ.
Анықтама: Caspi Bitum ЖШС - Қазақстандағы жол битумын өндіретін ең ірі зауыт. Мұнай өңдеу кәсіпорны тотығырылған және модификацияланған жол битумын шығарады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
