+7 (777) 001 44 99
Қазақша
Русский
English
Алматыда Алатау ауданы Ақкент шағынауданындағы 9 қабатты үйден өрт шыққан, - деп хабарлайды Tengrinews.kz тілшісі.
Әлеуметтік желілерде көпқабатты үйдің жоғары жағын қара түтін басқан видео тарады.
Посмотреть эту публикацию в Instagram
Алматы ТЖД 14:30-да Ақкент шағынауданындағы 9 қабатты тұрғын үйден өрт шыққаны туралы хабарлама келіп түскенін айтты. Оқиға орнына ТЖД бірнеше өрт сөндіру бөлімшесі шыққан.
Өртсөндірушілер жетінші қабаттағы 10 шаршы метр лоджия жанып жатқанын анықтаған. Өрт 8-9 қабаттарға жетуі мүмкін еді. Жанып жатқан үйден 7 адам құтқарылып, 65 адам эвакуацияланған. Ал өрт 15:02-де сөндірілген.
Өрттің шығу себебі анықталып жатыр. Сонымен қатар, ТЖД өрт қауіпсіздігі ережелерін сақтауды ұсынады: электр құралдарын қараусыз қалдырмау, балконда темекі шекпеу және жанғыш заттар мен материалдарды қоқысқа тастамау.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
