+7 (777) 001 44 99
Қазақша
Русский
English
City Transportation Systems (CTS) басшысы Бекмырза Игенбердинов "Астана LRT" атауы неліктен өзгергенін түсіндірді, - деп хабарлайды Tengrinews.kz тілшісі.
"Жемқорлық дауына байланысты емес. Мен баяндамамда компанияны желілік көлік жүйесін құру үшін ашқанымды айтқан болатынмын. Уақыт өте келе мүмкіндіктер артып, бүгінде компаниямыз желілік көлік жүйесі құрылысымен айналысатын жобалардың біріне айналды. Бүгінде біздің басты бағытымыз - қоғамдық көліктермен, тұрақтармен жұмыс, жол қозғалысын ұйымдастыру. Сондықтан бізге ребрендинг жасайтын уақыт келді", - деді Игенбердинов.
Еске салайық, мұның алдында компания басшысы "Астана LRT" атауының өзгергенін мәлімдеген еді. "Құрметті тұрғындар, достар, әріптестер, компаниямыздың жаңа атауын таныстырайын - City Transportation Systems. Аударғанда - қалалық көлік жүйесі. (...) Қала басшылығы компания атауын өзгертіп, ребрендинг жасау туралы шешім шығарды", - деген еді ол.
