+7 (777) 001 44 99
Қазақша
Русский
English
Әлеуметтік желілерде Астанада LRT-ның сынақтан өткізіліп жатқаны түсірілген видео жарияланды, - деп хабарлайды Tengrinews.kz тілшісі.
Кадрларда пойыздың рельс бойымен қозғалып бара жатқаны байқалады.
"LRT вагондары сынақтан өткізіліп жатыр", – делінген видеода.
Бұған дейін Астана әкімі Жеңіс Қасымбек Мәжіліс кулуарында журналистердің сұрағына жауап бере отырып, елордада LRT-нің сынама іске қосылуы қыркүйектің 29–30 күндері бірнеше станция арасында, мысалы, "Абу-Даби" және Мәңгілік Ел көпірі бағытында жоспарланып отырғанын айтқан еді.
Әкімнің айтуынша, алдағы уақытта күн сайын жұмыс уақытының ұзақтығы, станциялар мен пойыздардың саны арта түседі.
Алғашқы сынақтар бір-екі станция арасында бір аптаға жалғасады. Жалпы сынақ мерзімі 3–6 айға есептелген. Қазанда тағы 8 пойыз келеді, ал желтоқсанға дейін барлық 18 құрам жеткізіледі.
Қала басшысының сөзінше, егер сынақ сәтті өтсе, LRT 2026 жылдың басында жұмысын бастайды.
"Барлығы ойдағыдай болып, сынақтан өтсе, бірінші тоқсанның аяғына дейін толық пайдалануға беруді жоспарлап отырмыз", – деп қосты елорда әкімі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
