+7 (777) 001 44 99
Қазақша
Русский
English
28 шілде күні 20th Century Studios киностудиясы Джеймс Кэмеронның "Аватар 3" фильміне арналған алғашқы трейлерді ұсынды, - деп хабарлайды Tengrinews.kz тілшісі.
"Аватар: От пен күл" атты үшінші бөлімнің халықаралық прокатқа шығуы 2025 жылдың 19 желтоқсанына жоспарланған. Бұл жолы Пандора планетасындағы жаңа На’ви тайпасы – жауыз әрі жауынгер "Күл адамдары" (Ash People) көрерменге таныстырылады.
Фильмде Сэм Уортингтон, Зои Салдана, Сигурни Уивер, Уна Чаплин, Кейт Уинслет және Дэвид Тьюлис сынды актерлер ойнаған.
"Бұл жолы сіз Пандораны бұрын-соңды болмаған ауқымда көресіз. Бұл – ессіз шытырман оқиға, эмоциялық драма деңгейі өте жоғары болады", – деген еді бұған дейін режиссер Кэмерон.
Айта кетейік, алғашқы "Аватар" фильмі 2009 жылы жарық көріп, 2,923 миллиард доллар жинап, әлем тарихындағы ең табысты фильм атанған. Одан кейінгі бөлім – "Аватар: Су жолы" 2022 жылы шықты және 2,32 миллиард доллар табыс әкелді. Ал төртінші және бесінші бөлімі 2029 және 2031 жылдарға жоспарланған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
