+7 (777) 001 44 99
Қазақша
Русский
English
Tengrinews.kz 7 тамыздағы Қазақстандағы доллар бағамына қатысты ақпарат ұсынады.
Қазақстан қор биржасындағы (KASE) күндізгі сауда-саттық қорытындысы бойынша, доллардың орташа бағамы 539,38 теңге болды. Бұл алдыңғы көрсеткіштен 2,68 теңгеге жоғары. Ұлттық банктің ресми бағамы 7 тамызда 536,58 теңге деп белгіленген.
Kurs.kz сайтының дерегінше, Алматыдағы айырбастау орындарында долларды сатып алу бағамы орта есеппен 538,40 теңге, сату бағамы – 540,49 теңге. Астанада долларды орташа 537,53 теңгеге сатып алып, 544,53 теңгеге сатып жатыр.
Айта кетейік, 31 шілдеде Премьер-Министрдің бірінші орынбасары Роман Скляр доллар бағамына қатысты өз болжамын бөлісті:
"Менің және әріптестерімнің болжамы бойынша, доллар бағамы артқа шегінеді. Қазіргідей жоғары деңгейде ұзақ тұрмайды. Мұндай жағдайлар бұрын да болған, кейін курс тұрақталғанын талай рет көрдік. Меніңше, Ұлттық банк бұл бағытта барынша әрекет етеді, әрі нарық өзі де тиісті түрде әрекет етеді", – деді ол Үкіметтегі брифингте.
Еске салсақ, 30 шілдеде Қазақстандағы кейбір айырбастау пунктерінде доллар бағамы 550 теңгеден асып кеткен еді. Бұдан кейін Ұлттық банк валюталық интервенция жүргізуге кіріскенін хабарлады. 1 тамызда реттеуші орган теңгені қолдау үшін нарыққа 125,6 миллион доллар шығарғанын мәлімдеді.
Бұған дейін Премьер-министр Олжас Бектенов журналистердің теңге бағамы мен девальвация қаупіне қатысты сұрағына жауап берген болатын. Оның айтуынша, теңге бағамы тек нарықтық факторлар негізінде қалыптасады.
"Бізде валюта бағамы нарықтық негізде реттеледі, Ұлттық банк тарапынан қандай да бір араласу болмайды. Қазіргі таңда, өз бағалауымыз бойынша және көптеген сарапшылардың пікірінше, теңгенің күрт әлсіреуіне негіз болатын факторлар жоқ", – деп нақтылады Үкімет басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
