+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Энергетикалық сусындар сіздің көңіл-күйіңізді көтеруге, зейініңізді жақсартуға және шаршауды жеңуге көмектеседі. Шын мәнінде, бұл "ғажайып сусын" ағзаға қалай әсер етеді? Бұл сауалды Tengrinews.kz тілшісі Денсаулық сақтау министрлігінен сұрап көрді.
Энергетикалық сусындар сіздің көңіл-күйіңізді көтеруге, зейініңізді жақсартуға және шаршауды жеңуге көмектеседі. Шын мәнінде, бұл "ғажайып сусын" ағзаға қалай әсер етеді? Бұл сауалды Tengrinews.kz тілшісі Денсаулық сақтау министрлігінен сұрап көрді.
Энергетиктердің зияны неде?
Тілшінің ресми сұрағына жауап бере отырып, денсаулық сақтау министрлігі өкілдері энергетиктердің зияны Дүниежүзілік денсаулық сақтау ұйымының зерттеулерімен расталғанын хабарлады.
"Зерттеулерде энергетикалық сусындардың зиянды әсері витаминдер мен аминқышқылдарының концентрациясына байланысты делінген. Олардың нормасынан асып кетуі кофеин секілді әсіресе кәмелетке толмағандар, жүкті әйелдер, қант диабеті және басқа да аурулары бар адамдар үшін өте қауіпті. Энергетиктерді шамадан тыс пайдалану денсаулықта түрлі проблемалар туындатады. Мәселен жүрек соғу жиілігі жоғарылайды, қан қысымы көтеріледі, ұйқы бұзылады, сондай-ақ гипергликемия пайда болуы мүмкін,- деп хабарлады ведомство өкілдері.
Сонымен қатар, энергетиктер жүйке жүйесіне теріс әсер етуі мүмкін. бас ауруы, мазасыздық, үнемі дүрбелең тудыру, агрессияның жоғарылауы, визуалды және есту галлюцинациялары және созылмалы шаршау.
"Бір энергетикалық банкада 8-9 кесе кофе бар, ал ересек адам үшін кофеиннің рұқсат етілген дозасы күніне 1-2 кесе кофеден аспайды! Кофеинді, энергетикалық сусындарды шамадан тыс қабылдау ас қорыту жолдарының гиперстимуляциясына, жүрек айнуына, құсуға, диареяға және іштің ауырсынуына әкелуі мүмкін. Энергетиктер асқазанның қышқылдығын арттырады және күйдіргі, диарея, гастрит, жаралар мен қабынуды тудыруы ықтимал.
Стимулятор рөлін атқаратын энергияның маңызды компоненті - қант. Адам қарапайым көмірсулардың үлкен дозасын алған кезде, олар сергектікке ие болады. Энергетик ішкен кезде бұл әсер кофеиннің ынталандырушы әсерін толықтырады және күшейтеді. Қантты шамадан тыс тұтыну жүрек ауруына, семіздікке, екінші типтегі қант диабетіне және басқа метаболикалық мәселелерге әкелуі мүмкін", - деп толықтырды Денсаулық сақтау министрлігі.
Зардап шеккен қазақстандықтар бар ма?
Денсаулық сақтау министрлігі энергетиктерді шамадан тыс пайдаланудан зардап шеккендер бойынша жеке статистиканы жүргізбейтінін айтты. Алайда ведомствода өзге де сандар мысалға келтірілді.
"Шамадан тыс тұтыну семіздікке, қант диабетіне және басқа метаболикалық бұзылуларға ықпал етеді. 2022 жылы балалар арасында семіздікпен сырқаттанушылық көрсеткіші 100 мың тұрғынға шаққанда 45,6 пайызды құрады. Сондай-ақ, ересек тұрғындардың 18 пайызы семіздікке шалдыққан.
Сонымен қатар, қант диабетімен сырқаттанушылықтың 59 пайызға өсуі байқалады. 2015 жылы 100 мың тұрғынға шаққанда 173, 2022 жылы 100 мың тұрғынға шаққанда 276 адамды құрады. 2022 жылы қант диабетімен ауыратын 967 бала алғаш рет анықталды. Барлығы 3 449 бала және екінші типті қант диабеті бар 1 301 жасөспірім, ал 3 243 бала және 1 176 жасөспірімде бірінші типті қант диабеті бар. Елімізде қант диабеті ауруымен динамикалық бақылауда 400 мыңнан астам қазақстандық бар".
Әрбір бесінші оқушы Энергетик ішеді
Сонымен қатар министрліктегілер мектеп жасындағы балалардың HBSC (health Behaviour in School - aged Children) денсаулығына қатысты ұлттық зерттеу деректерін ұсынды.
"Әрбір бесінші оқушы, яғни мектеп жасындағы балалардың 20,5 пайызы апта сайын энергетикалық сусындарды тұтынады. Жасөспірімдердің 8,8 пайызы энергетиктерді аптасына бір рет, 6,4 пайызы аптасына 2-4 рет, 2,3 пайызы энергетиктерді аптасына 5-6 рет, 1,4 пайызы күніне бір рет ішеді, 1,5 пайызы энергетиктерді күніне бір реттен артық тұтынатынын көрсетті", - деп хабарлады ведомстводан.
Бұған дейін энергетикалық сусындар мен фасфудқа тәуелді болған алматылық жасөспірімді ауруханаға арбамен алып келген болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
