+7 (777) 001 44 99
Қазақша
Русский
English
Бірнеше ауыр бап бойынша айыпталған Хасан Қасымбаевтың ісі бойынша сот тыңдауларының қашан басталатыны белгілі болды, - деп хабарлайды Tengrinews.kz тілшісі.
Талғар аудандық сотының мәліметінше, Қасымбаев ісі бойынша алғашқы тыңдау 20 тамызда өтеді. Іс Талғар аудандық сотында қаралады.
Еске салайық, Талғар тұрғындары "Хутор бригадасының" басшысы деп атайтын Хасан Қасымбаев 2024 жылдың 5 қарашасында қамауға алынған еді. Полиция дерегінше, Қасымбаев 2021 жылдың маусымында Талғарда ММА жаттықтырушысын топ болып ұрлау және соққыға жығу оқиғасына қатысы болуы мүмкін.
Хасан Қасымбаевқа тағылған айыптар
Бұған дейін оған адам ұрлау, қасақана ауыр дене жарақатын салу және қорқытып алу фактілері бойынша тергеу басталған.
Жәбірленушілердің бірі – Әлішер Алишевтің адвокатының айтуынша, оған ұйымдасқан қылмыстық топ құру және басқару бабы бойынша айып тағылмаған. Сондай-ақ бұған дейін Қасымбаев ісінде тағы бір жәбірленуші пайда болғаны хабарланған.
Айта кетейік, Хасан Қасымбаевтың есімі Талғардағы Шерзат Болаттың (Полат) резонансты өліміне байланысты да аталған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
