Жамбыл облысының әкімі инвесторлармен кездесті

Фото: Жамбыл облысының әкімдігі

Жамбыл облысының әкімі Ербол Қарашөкеевпен кездескен отандық компания өкілдері электр зарядтау станцияларын орнату және "Қауіпсіз қала" жүйесін енгізу жобаларын таныстырды.

Жамбыл облысының әкімі Ербол Қарашөкеевпен кездескен отандық компания өкілдері электр зарядтау станцияларын орнату және "Қауіпсіз қала" жүйесін енгізу жобаларын таныстырды.

EVC компаниясы электр зарядтау станцияларын жеткізу, орнату мен техникалық қызмет көрсету қызметтерін ұсынды.

3 кВт-тан 180 кВт-қа дейінгі әртүрлі қуаттылықты қамтитын жабдық түрлері бар.

Кездесуде Тараз қаласының әкімі Бақытжан Орынбеков облыс орталығында электр зарядтау станцияларын орнату мақсатында арнайы орындар белгіленгенін жеткізді. Алғашқы кезеңде дәл осындай 50 нысанды орнату жоспарлануда. Атап өтерлігі, бұл жұмысқа компаниялар конкурстық негізде қатысады.

Set компаниясы бірыңғай ақпараттық ортамен біріктірілген автоматтандырылған бағдарламаларды, халықтың қауіпсіздігін қамтамасыз етуге бағытталған іс-шаралар кешенін қамтитын "Қауіпсіз қала" жүйесін әзірледі.