+7 (777) 001 44 99
Қазақша
Русский
English
Жетісу облысы полициясы Талдықорғанда ер адамдардан ақша бопсалаған қылмыстық топты ұстады, - деп хабарлайды Tengrinews.kz тілшісі Polisia.kz сілтеме жасап.
Топ құрамында бірнеше қыз және олардың сыбайластары болған. Олар әлеуметтік желіде танысып, интимдік қатынасқа итермелегеннен кейін жалған айып тағамыз деп қорқытып, ақша талап еткен.
Тергеу дерегінше, қылмыскерлер бір жәбірленушіден 350 мың теңге, екіншісінен 900 мың теңгеден астам ақша алған. Басқа жағдайларда 800 мың, 795 мың, 600 мың, 1,5 миллион және 1 миллион теңге бопсалаған. Бір эпизодта "кәмелетке толмағанды зорлауға оқталу" деген жалған айыппен 800 мың теңге иемденген. Кейбірінде полиция қызметкеріміз деп танысып, күш қолданып, 500 мың теңге тартып алған.
Барлығы 9 күдікті 11 ер адамнан ақша алғаны анықталды. Олар қамауға алынды. Полиция интернет арқылы танысқанда сақ болуға шақырады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
