+7 (777) 001 44 99
Қазақша
Русский
English
Жезқазғандағы мұнай базасында жарылыс болып, арты ірі өртке ұласты. Зардап шеккендер бар, - деп хабарлайды Tengrinews.kz тілшісі Төтенше жағдайлар министрлігінің баспасөз қызметіне сілтеме жасап.
"Жезқазған қаласында орналасқан мұнай базаларының бірінің аумағында арнайы мақсаттағы 3 автокөлік өрттенді. Өрт сөндіру бөлімшелері келгенге дейін газ-ауа қоспасы жарылып, ангардың қабырғалары қирады", - делінген хабарламада.
Оқиға орнына жеткен ТЖМ қызметкерлері өртті ауыздықтады. Жедел штаб жанармайы бар резервуарды салқындату арқылы қорғау үшін есептеулердің бірін жіберу туралы стратегиялық шешім қабылдады.
Жану орнына жақын тұрған гидранттарға автоцистерналарды орналастыра отырып, өртсөндірушілер көбік шабуылының көмегімен өртті 100 шаршы метр алаңда сөндірді.
Өрт салдарынан мұнай базасының 4 қызметкері ауруханаға жатқызылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
