+7 (777) 001 44 99
Қазақша
Русский
English
Алматы облысында Қазақстандағы атом электр станциясының (АЭС) құрылыс жобасы бойынша жұмыстарды бастауға арналған салтанатты рәсімге дайындық жүріп жатыр, - деп хабарлайды Tengrinews.kz тілшісі.
АЭС құрылысы Үлкен ауылының маңында басталады. Іс-шара алдында журналистерге осындай үлгідегі станцияның макеті көрсетілді.
Салтанатты рәсім барысында ресми сөздер мен жұмыстардың символдық басталуы өтеді: бұрғылау қондырғылары топырақтың алғашқы үлгілерін алады.
Бұл үлгілер салынған капсула зерттеу жүргізу үшін Ресей тарапына табысталады. Бұған дейін Атом энергиясы агенттігінің төрағасы Алмасадам Сәтқалиев еліміздегі алғашқы АЭС құрылысы шамамен 7 жылға созылуы мүмкін екенін хабарлаған еді.
Қазақстандағы АЭС құрылысы
2025 жылдың ақпанында Қазақстанда АЭС салынатын орын ресми түрде бекітілді – Алматы облысының Жамбыл ауданы. Тиісті қаулыға Премьер-министр Олжас Бектенов қол қойды.
Айта кетейік, Жамбыл ауданында АЭС салынатын ықтимал орындардың бірі ретінде аталған Үлкен ауылы орналасқан. Қаңтар айында Қасым-Жомарт Тоқаев Үкіметке «Самұрық-Қазынамен» бірлесіп атом саласын дамытудың ұзақ мерзімді жоспарларын әзірлеуді тапсырды. Ол болашақ АЭС-терді салуға ең қолайлы орындарды таңдау үшін нақты көзқарас пен жан-жақты талдау қажеттігін, сондай-ақ заманауи әрі қауіпсіз технологияларды қолдану маңыздылығын атап өтті.
Қазақстандағы алғашқы АЭС: Премьер тапсырма берді
Мемлекет басшысы сондай-ақ Үкімет пен Парламенттен екінші атом станциясын салу орны бойынша ұсыныстар күтетінін айтты. Сол уақытта Энергетика министрі Алмасадам Сәтқалиев екінші АЭС-ті біріншімен қатар салу мүмкіндігін жоққа шығармады.
Жақында Премьер-министр Роман Скляр екінші және үшінші АЭС-ті Қытай салады деп мәлімдеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
