Қазақстанның басым бөлігінде тұман түседі

Жансая Қадыржанова Корреспондент

Қазгидромет синоптиктері 4-6 қарашаға арналған ауа райы болжамын жариялады, - деп хабарлайды Tengrinews.kz тілшісі.

Суық солтүстік-батыс антициклоны әсерінен еліміздің бірқатар өңірлерінде жауын-шашын тоқтап, температура айтарлықтай төмендейді. Тек 4 қарашада ғана оңтүстік, оңтүстік-шығыс өңірлерде атмосфералық фронттардың өтуіне байланысты таулы аудандарда қатты қар жауып, жел күшейеді, көктайғақ, бұрқасын болады. Сондай-ақ, республиканың басым бөлігінде тұман түседі.

Батыста ауа температурасы түнде-1-6 градус аяз, күндіз 0-5 градус.
Еліміздің оңтүстігінде 3-8 градус жылы, күндіз 10 градус жылы.
Солтүстік-батыста 8-13 градустан 0-10 градусқа дейін аяз, күндіз 5 градус аяз - 6 градус жылы.
Солтүстікте 13-18 градустан 0-10 градусқа дейін аяз, күндіз 0-8 градустан 0-6 градусқа дейін жылы.
Еліміздің орталығында және шығысында түнде 13-21 градустан 5-13 градусқа дейін аяз, күндіз 2-13 градустан 0-8 градусқа дейін аяз.
Солтүстік-шығыста 8 градус аяз, күндіз 0-8 градус жылы.
Қазақстанның оңтүстік-шығысында түнде 5-13 градус аяз, күндіз 2-7 градус аяздан 0-5 градусқа дейін жылы болады.