+7 (777) 001 44 99
Қазақша
Русский
English
Қырғыз Республикасының Ұлттық қауіпсіздік мемлекеттік комитетінің Бішкек қаласы бойынша басқармасының бұрынғы басшысы Эльдар Жақыпбеков ұсталып, уақытша ұстау изоляторына қамалды. Ол бойынша қылмыстық іс қозғалған, тергеуді Әскери прокуратура жүргізіп жатыр, - деп хабарлайды Tengrinews.kz тілшісі 24.kg-ке сілтеме жасап.
Құқық қорғау органдарындағы дереккөздердің мәліметінше, Жақыпбеков тәулік ішінде ұсталған. Істің қандай бап бойынша сараланғаны және оның процестік мәртебесі туралы ресми ақпарат жарияланған жоқ.
Әлеуметтік желілерде Жақыпбеков ұсталғаннан кейін түсірілді деген фотосы тарады.
Бұған дейін, 14 ақпанда, елордалық ҰҚМК басқармасында басшылық ауысқаны белгілі болды. Жаңа басшы болып Ұлан Бибосынов тағайындалды.
Жақыпбековтің ұсталғаны туралы ақпарат 10 ақпанда-ақ тараған еді. Сол кезде ведомство бұл мәліметті көпшілік алдында жоққа шығарған.
Еске салайық, 10 ақпанда Қырғызстан президенті Садыр Жапаров өзінің досы әрі серіктесі Қамшыбек Тәшиевті барлық қызметінен босатты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
