+7 (777) 001 44 99
Қазақша
Русский
English
Павлодар облысында құтқарушылар мен полицейлер иттер мен дронның көмегімен белгісіз жағдайда жоғалып кеткен Ақсудың тұрғынын үш аптадан аса уақыт бойы іздеп жатыр, - деп хабарлайды Tengrinews.kz тілшісі.
Қала төтенше жағдайлар бөлімі өкілдерінің айтуынша, 57 жастағы Сергей Мамзонов кейінгі рет 5 қарашада Еңбек ауылының маңында орналасқан жергілікті шаруашылықтардың бірінің алқаптарында байқалған.
"Сол күні кешке шамамен 19:00-де ол егіс алқаптарын күзетіп отырған жерден белгісіз бағытқа кетіп қалған. Сол уақыттан бері оның қай жерде екені беймәлім", – деп түсіндірді бөлім бастығы Сабитхан Мадеев.
Посмотреть эту публикацию в Instagram
Оның айтуынша, ер адамның жоғалғаны туралы хабар 28 қарашада полицейлер арқылы құтқарушыларға түскен, содан кейін олар бірден Еңбек ауылының маңындағы дала аймағында іздеу жұмыстарына кіріскен. Қазір олар жергілікті жерді бірлесе қарап жатыр.
Қол жетуі қиын әрі алыс аумақтар дрон арқылы тексеріліп жатыр. Бұдан бөлек, қызметтік иттермен бірге жұмыс істейтін кинологтар із кесіп, аумақтың ықтимал қауіпті және жасырын жерлерін тексеріп жүр.
Іздеу жұмыстарына шамамен елуге жуық адам қатысып жатыр, оның ішінде Павлодар облысы ТЖД-нің 28 қызметкері, сегіз техника, дрон және екі кинологиялық топ бар.
Павлодарлық "VITA" ерікті іздестіру жасағы да іздеп жүр. Олардың айтуынша, жоғалған азамат шаруашылық алқаптарында қарауыл болып жұмыс істеген.
"Бізге кейде түрлі адамдардан Серейді Ақсудың әртүрлі аудандарында көрдік деген хабарламалар түседі. Әрбір ақпаратты полиция қызметкерлерімен бірлесе тексереміз және оның тірі екеніне, жақын арада табылатынына үміттенеміз. Ол жоғалған аумақты және көршілес жерлерді тексеруді жалғастырып жатырмыз", – деді еріктілер.
Жоғалған ер адамның ерекше белгілері: бойы шамамен 170 сантиметр, орта денелі, көк көзді, қара шашты. Үстінде қара күртеше мен қара бас киім, хаки түсті шалбар және қара аяқ киім болған.
Посмотреть эту публикацию в Instagram
Сілтемесіз жаңалық оқисыз ба? Онда Telegram желісінде парақшамызға тіркеліңіз!
