Талдықорғанда есірткі саудасына қатысы бар күдікті сауда және ойын-сауық орталықтарының бірінің жанында ұсталды, - деп хабарлайды Tengrinews.kz тілшісі polisia.kz-ке сілтеме жасап.
Жеке тінту кезінде және тұрғылықты жерінде ұсталған ер адамнан ерекше иісті ақ түсті ұнтақ заты бар екі бума тәркіленді.
Сондай-ақ белгісіз маркалы тапанша тәркіленді.
Ұсталған азамат уақытша ұстау изоляторына қамалды.
ҚР Қылмыстық кодексінің 297-бабы бойынша тергеу амалдары басталды. Тәркіленген зат пен қару бойынша тиісті сараптамалар тағайындалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
