+7 (777) 001 44 99
Қазақша
Русский
English
Мемлекет Басшысы Қасым-Жомарт Тоқаев Ақордада Албания президенті Байрам Бегайды қарсы алды, - деп хабарлайды Tengrinews.kz тілшісі.
Ақордаға Қасым-Жомарт Тоқаевпен кездесу үшін Албания көшбасшысы келді. Ол Қазақстанға ресми сапармен келді.
Албания президенті Бегай келгенге дейін Ақордада екі елдің министрлер кабинетінің мүшелері дәстүр бойынша жиналды.
Қасым-Жомарт Тоқаевтың шығуымен рәсімнің ресми бөлігі басталды.
Салтанатты рәсімнің басында құрметті қарауыл бастығы ел басшыларына баянат берді, содан кейін Қазақстан мен Албанияның әнұрандары шырқалды.
Президенттер бір-бірімен күлімсіреп қол алысып амандасып, кездесуді жалғастырды.
Сапар аясында екі елдің көшбасшылары сауда-экономикалық, көліктік-логистикалық, инвестициялық және гуманитарлық ынтымақтастықты нығайту мәселелері бойынша келіссөздер жүргізеді. Президенттер екіжақты күн тәртібімен қатар халықаралық және өңірлік ахуал бойынша пікір алмасады деп күтіледі.
Бұған дейін Тоқаев Албания президентін Астанаға шақырған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
