+7 (777) 001 44 99
Қазақша
Русский
English
Иранның Жоғары ұлттық қауіпсіздік кеңесі (ЖҰҚК) жаңа арнайы орган – Елдің Қорғаныс кеңесін құру туралы шешім қабылдады, - деп хабарлайды Tengrinews.kz тілшісі ТАСС агенттігіне сілтеме жасап.
ЖҰҚК мәлімдемесіне сәйкес, бұл кеңес елдің сыртқы қауіп-қатерлерден қорғанысын қамтамасыз ету, қорғаныс жоспарларын әзірлеу және қарулы күштердің жауынгерлік қабілетін арттыру мәселелерімен айналысады.
Кеңесті Иран президенті Масуд Пезешкиан басқарады. Оның құрамына сот билігінің басшысы, парламент спикері, жоғары әскери лауазымды тұлғалар мен бірқатар министрлер кіреді.
Қорғаныс кеңесін құру туралы шешім Иран төңірегіндегі жағдайдың шиеленісуіне, атап айтқанда АҚШ президенті Дональд Трамптың Тегеран ядролық нысандарын қайта іске қосқан жағдайда соққы жасау туралы қоқан-лоққыларына жауап ретінде қабылданды.
Иранның сыртқы істер министрі Аббас Арагчи бұған жауап ретінде егер агрессия қайталанса, Тегеран батыл жауап беретінін ескертті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
