+7 (777) 001 44 99
Қазақша
Русский
English
Көлік вице-министрі Сатжан Аблалиевтің ұсталғанын Ұлттық қауіпсіздік комитетінің сыбайлас жемқорлыққа қарсы қызметі растады, - деп хабарлайды Tengrinews.kz тілшісі.
"ҰҚК-нің сыбайлас жемқорлыққа қарсы қызметі пара алу күдігімен Көлік вице-министрін ұстады және ол сот санкциясымен қамауға алынды", – делінген хабарламада.
Қылмыстық-процестік кодекстің 201-бабына сәйкес, өзге ақпарат жария етуге жатпайды.
Еске салайық, Сатжан Аблалиевтің ұсталғаны туралы ақпарат 2 тамызда жария болды. Ол пара алды деген күдікке ілінген.
Сатжан Аблалиев 1970 жылы Атырау облысында дүниеге келген. Алматы автомобиль-жол институтын және Қазақ көлік және коммуникация университетін тәмамдаған.
Ол 2023 жылдың қазан айынан бастап көлік вице-министрі қызметін атқарып келеді. Бұған дейін Солтүстік Қазақстан облысы әкімінің орынбасары және Автомобиль жолдары комитетінде жұмыс істеген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
