+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
2024 жылы Ұлытау облысында тұңғыш Геологиялық кластер жұмысын бастайды. Қазба жұмыстарының техникалық және кадрлық ресурстарын біріктіретін жоба жеке компанияның инвестициялық қаржысына жүзеге асырылуда. Құрылыстың жалпы құны шамамен 7 млрд.теңгені құрайды. Нысанның құрылысы аяқталған соң, онда 150 адам жұмыспен қамтылады.
2024 жылы Ұлытау облысында тұңғыш Геологиялық кластер жұмысын бастайды. Қазба жұмыстарының техникалық және кадрлық ресурстарын біріктіретін жоба жеке компанияның инвестициялық қаржысына жүзеге асырылуда. Құрылыстың жалпы құны шамамен 7 млрд.теңгені құрайды. Нысанның құрылысы аяқталған соң, онда 150 адам жұмыспен қамтылады.
Құрылыс бұрынғы "Жезқазғангеология" геологиялық экспедициясының аумағында жүзеге асырылады.
Өңірдегі ірі геологиялық компания құрылыстың егжей-тегжейлі жоспарын әзірледі, тозығы жеткен және апатты ғимараттарды бұзып, ол жерлерде жұмыстар жүргізуде.
Жезқазған өңірінде минералды-шикізат қорын арттыру үшін геологиялық жұмыстарға 2022-2025 жылдары шамамен 11 млрд теңгеден астам қаржы бөлінеді. Бүгінгі күні Ұлытау облысы бойынша 19 учаскеде барлау жұмыстары жүргізіліп жатыр. Ол міндет жергілікті геологтарға жүктелген.
"Геологиялық кешен – Ұлытау облысы ғана емес, Қазақстан бойынша пайдалы болмақ. Себебі бұл – еліміздегі тұңғыш үлкен Геологиялық кластер. Ендігі жылдың бірінші тоқсанында құрылысы аяқталады деп жоспарлануда. Жалпы 150 орын жұмыс орны ашылады. Мыстан басқа да осы өңірде көптеген жер қазбалары бар. Соны ары қарай жетілдіріп, ғылыми жаңа тәсілдерді қолдануға осы орталық септігін тигізеді", - деп атап өтті Ұлытау облысының әкімі Берік Әбдіғалиұлы.
Жаңа жобаның сәтті жүзеге асуы – Жезқазған қаласының іргесіндегі Қабанбай батыр ықшам ауданының дамуына оң әсерін тигізеді. Қазірдің өзінде инвесторлардың қолдауымен ірілі-ұсақты мәселелер шешімін тауып отыр. 1 мыңнан астам тұрғыны бар ықшамауданда үйлердің тең жарымы көгілдір отынға қосылған. Жақында "Жайлы мектеп" бағдарламасы бойынша заманауи білім ордасының құрылысы басталды.
Шикізаттың бәрі терең орналасқан немесе басқа элементтермен қоспа ретінде келеді. Оның бәрін технологиямен бөліп алып шығу үшін ғылым керек. Сондықтан ол ғылымды дамыту қажет. Геологиялық кластер сондай оймен осы Жезқазған өңірінде құрылып жатыр.
Бұл жерден оқу ғимараттары, қызметкерлерге арналған жатақхана, геофизикалық зертхана және жер қыртысының сынамаларын сақтайтын қойма салынады. Өзге өңірлерден және шет елдерден үздік ғалымдар шақырылады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
