+7 (777) 001 44 99
Қазақша
Русский
English
Украина президенті Владимир Зеленский Ресей президенті Владимир Путиннің Мәскеуде бейбіт келіссөздер өткізу туралы ұсынысын қабылдамай, оны Киевке шақырды. Бұл туралы ол ABC News арнасына берген сұхбатында айтты, - деп хабарлайды Tengrinews.kz тілшісі.
"Ол Киевке келе алады. Егер адам соғыс кезінде кездескісі келмесе, әрине, мен де, өзгелер де қабылдай алмайтын нәрсе ұсына алады. Бұл менің оны Киевке шақырғаныммен бірдей", – деді Украина президенті.
Зеленскийдің пікірінше, Путин мұндай ұсынысты кездесуді кейінге шегеру үшін жасаған.
Украина президенті өз еліне күн сайын зымыран шабуылдап жатқанын айтып, дәл қазір Мәскеуге бара алмайтынын жеткізді және Путиннің "мұны жақсы түсінетінін" атап өтті.
Путин 3 қыркүйекте Қытайға жасаған сапарынан кейін Зеленскийді Ресей астанасында келіссөздер өткізуге шақырған болатын. Екі күннен соң, Шығыс экономикалық форумында сөйлеген сөзінде Ресей президенті Мәскеуді жоғары деңгейдегі келіссөздерге арналған "ең жақсы орын" деп атады. Сондай-ақ, украин тарапына жұмыс істеуге және қауіпсіздікке барлық жағдай жасалатынын сендірді.
Зеленский Путиннің шақыруына пікір білдіріп, бұған дейін: "Егер біреу кездесудің болмауын қаласа, оны Мәскеуге шақыру керек", – деген еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
