Баян Есентаева өзінің киімдер желісін шығарады

Қазақстандық продюсер әрі актриса Баян Есентаева өзінің киімдер желісін шығармақшы, - деп хабарлайды Tengrinews.kz тілшісі.

Есентаеваның айтуынша, ол киімдер желісін осы күзде шығаруды жоспарлап отыр. Алайда продюсер жаңа жобасы туралы толығырақ мәлімет берген жоқ. 

"Айтуға әлі ерте, күзде бірінші желіні ұсынамын. Киімдер қыздарға арналған, сәнді, ыңғайлы. Көйлектер де, белдемшелер де, шортылар да болады", - деді Есентаева. Оның сөзіне қарағанда, атаулы бутиктер Астана мен Алматыда ашылады. 

Бұған дейін, Баян Есентаева "КешYou" тобының жаңа құрамын таныстырған болатын. Оның құрамына 18 жастағы Ақбота Сейітмағамбет, 19 жастағы Балжан Бидаш пен оның құрдасы Жұлдыз Өмірғали кірді. Сонымен қатар, Баян Есентаеваның "КешYou" тобы туралы фильм түсіруге ниетті екені хабарланған болатын.