Даун синдромы, аутизм, сал ауруы. Түрлі дертке шалдыққан актерлер Астанада өнер көрсетті

03 Желтоқсан 2018, 14:59
2
© astana.gov.kz
© astana.gov.kz

Назарбаев Университетінің кинозалында ерекше күтімді қажет ететін жас актерлер "Сұлу қыз бен құбыжық" спектаклін қойды, - деп хабарлады Астана әкімдігінің ресми сайты.

Көптеген музыкалық нөмірге негізделген спектакль Дисней ертегісінің 40 минуттық нұсқасы бойынша қойылған. Онда даун синдромы, ақыл-ойдың артта қалуы, церебральды сал аурулары, аутизм спектрінің бұзылуы сынды диагнозы бар 25 жасөспірім актер өнер көрсетті. Жас актерлерге еріктілер - оқушылар, студенттер және жас мамандар қол ұшын берді. 

"Сахнада 50 адам өнер көрсетті. Сахнадан тыс балалардың киімін ауыстыру, бояндыру, сурет пен бейнетаспаға түсіру, дыбыс және жарықпен жұмыс істеуге 25-тен астам ерікті көмектесті. Спектакльге 300-ден астам көрермен жиналды. Мұндай қызығушылық танытады деп күткен жоқпыз. Музыкалық кеш өте жарқын әрі әсерлі болды. Ал спектакльден кейін актерлерден қолтаңба алу үшін көрермендер кезекке тұрды", - деді ұйымдастырушылар.


© astana.gov.kz

Әкімдіктегілердің айтуынша, "KИT" инклюзивті мектебінің ашылғанына бір жылдан асты. Аз уақытта олар екі жобаны - инклюзивті театр және кәсіптік бағдар беру бағдарламасын жүзеге асырып үлгерді. Инклюзивті театр Астанада қазірдің өзінде екі музыкалық қойылымын ұсынды. Келер жылы гастрольдік сапарларға шығуды жоспарлап отыр.

Получить короткую ссылку


Нравится Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай