Димаш Құдайберген Астанада Ақтөбе облысының күндерін ашады

26 Маусым 2017, 15:14
0

Астанада ЭКСПО-2017 халықаралық көрмесіне арналған Ақтөбе облысының күндері басталды, - деп хабарлайды Тengrinews.kz тілшісі облыс әкімінің баспасөз қызметіне сілтеме жасап. 

26 маусымнан 30 маусымға дейін бес күн бойы елорда тұрғындары мен қонақтарын жарқын және қызықты бағдарламалар күтеді.

Бүгін кешкі сағат сегізде ЭКСПО көрмесі алаңының амфитеатр сахнасында "Ақтөбе - құтты мекен" гала концерті өтеді. Мерекелік бағдарламаның басты жұлдызы - I am a Singer халықаралық байқауының финалисі Димаш Құдайберген болмақ. Астаналықтар оның әдемі даусын тыңдап, өңірдің шығармашылық ұжымының концерттік нөмірлерін тамашалай алады.

Бұдан өзге, ұлттық спорт түрлерінен жарыстар, сонымен қатар тазы және төбет иттердің көрмесін, қазақ күресі мен тоғыз құмалақтан ашық турнирлер өткізу жоспарланған.

ҚР мәдениет және спорт министрлігі мен Ақтөбе облысы әкімдігінің ұйымдастыруымен 29 маусымда "Қазанат" ипподромында көкпар, аламан бәйге (қашықтығы 21 шақырым), құнан бәйге (қашықтығы 7 шақырым) жарыстары өтеді.

Ат жарыстары арасындағы үзіліс кезінде "шабандоздық", "теңге алу", "жамбы ату", "қыз қуу" бойынша үлгі көрсетілімдер болады. 


Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай