19 қаңтар 2022 | 13:49

Grammy 2022 рәсімі өтетін күн белгілі болды

Жансая Қадыржанова Корреспондент

Фото ©REUTERS

Grammy 2022 музыкалық сыйлығын тапсыру рәсімі 3 сәуірде Лас-Вегастағы MGM Grand Garden Arena-да өтеді, - деп хабарлайды Tengrinews.kz тілшісі іс-шараның сайтына сілтеме жасай отырып.

Grammy 2022 музыкалық сыйлығын тапсыру рәсімі 3 сәуірде Лас-Вегастағы MGM Grand Garden Arena-да өтеді, - деп хабарлайды Tengrinews.kz тілшісі іс-шараның сайтына сілтеме жасай отырып.

Оңтүстікафрикалық әзілкеш әрі актер Тревор Ноа іс-шараға жүргізуші ретінде қатысатыны айтылды. Grammy апталығының басқа ресми іс-шараларының, оның ішінде премьераның, "Жыл адамы" сыйлығының күндері мен орындары туралы қосымша мәліметтер жақын арада жарияланатыны белгілі болды.

"Grammy-ді Лас-Вегасқа алғаш рет әкеліп, әлемдік деңгейде шоу өткізетінімізге қуаныштымыз. Шоудың уақыты шегерілетіні жарияланған сәттен бастап, бізге қолдау көрсеткен хабарламалар келді", - деді Харви Мейсон, кіші Дыбыс жазу академиясының бас директоры.

Жыл сайынғы Grammy марапаттау рәсімі CBS Тelevision Network арнасында онлайн режимде көрсетіледі және шоуды Paramount+-тен тікелей эфирден тамашалауға болады.

Grammy 2022 сыйлығының номинациялары 23 қарашада жарияланды. Джон Батист көп номинация алды. Жалпы саны - 11. Одан кейін Doja Cat, H.E.R. және Джастин Бибер сегіз номинация алды.

Еске салайық, былтыр Grammy сыйлығы COVID-19 таралуына байланысты шегерілген еді.