Қазақстандық спортшылар арбада отырып би билеуден әлем чемпионатына жолдама алды

24 Сәуір, 17:23
0
Қазақстандық спортшылар арбада отырып би билеуден әлем чемпионатына жолдама алды -

Нидерландының шығысындағы Кёйк қаласында арбада отырып би билеуден халықаралық лицензиялық турнир аяқталды, - деп хабарлайды Тengrinews.kz тілшісі Нұр-Сұлтан әкімдігінің ресми сайтына сілтеме жасап.

Жарыс 19-21 сәуір аралығында өтті. Оған әлемнің 15 мемлекетінен 85 биші қатысты. Дүбірлі додада ел намысын Нұр-Сұлтан, Шымкент, Алматы қалаларының және Қарағанды облысының спортшылары қорғады.

Елордалық мүмкіндігі шектеулі жандарға арналған мектеп өкілдері турнирде 7 медальды еншіледі. Олардың үшеуі - күміс, төртеуі - қола жүлде.

Жарыс қорытындысы бойынша отандық спортшылар биыл күзде Германияның Бонн қаласында өтетін әлем чемпионатына жолдама алды.

Бишілерді Қазақстан Республикасының еңбек сіңірген жаттықтырушысы Әлия Түсіпбекова дайындады.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай