+7 (777) 001 44 99
Қазақша
Русский
English
8 мамырда театр және кино саласының саңлағы Асанәлі Әшімов 85 жасқа толды. Осыған орай "Қазақфильм" киностудиясында салтанатты шара өтті, - деп хабарлайды Tengrinews.kz тілшісі.
Шарада актерге киностудия өкілдері түрлі сыйлық жасады. Оның ішінде Асанәлі Әшімовтің фильмдері жиналған флешка бар. Сыйлық сырты кітап тәріздес жасалған.
Кейін Ақан Сатаев "өмірде де, өнерде де аттан түспеңіз" дей келе киногерлердің атынан асылтұқымды тұлпар сыйлады.
"Арабтың үш жасар арғымағы. Есімі - Оскар. Осы Оскарыңыз болсын. Бізге жол сілтеп, үлгі көрсетіп жүре беріңіз", - деді режиссер.
Посмотреть эту публикацию в Instagram
Асанәлі Әшімов - Кеңес Одағының және Қазақстанның Халық әртісі, Қазақстанның Еңбек ері. Оның кинодағы Бекежан ("Қыз Жібек" фильмі), Шадияров ("Атаманның ақыры"), Мәмбет ("Сарқырама"), Қасымханов ("Транссібір экспресі)", Кемел ("Нан дәмі"), Нұрғазы ("Алатаудың ай мүйізі"), Қаражал ("Жаушы"), Шыңғыс хан ("Бұлғар даласынан ескен жылы жел") рольдері нағыз актерлік шеберліктің үлгісі іспетті. Асанәлі Әшімов режиссер ретінде кең танымал.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
