+7 (777) 001 44 99
Қазақша
Русский
English
Шығыс Қазақстан облысы Риддер қаласынан шыққан биші Дмитрий Щебет ТНТ арнасындағы белгілі "Танцы" шоуының үшінші маусымында жеңіске жетіп, үш миллион рубль алды, - деп хабарлайды Tengrinews.kz тілшісі.
Дмитрийдің жеңісі ресми түрде сенбіде, 24 желтоқсанда бағдарламаның эфирінде жарияланады. Алайда қазақстандықтың достары мен жанкүйерлері әлеуметтік желілерде оған құттықтау сөздер жазып жатыр. Кейбір қолданушылардың айтуынша, көрермендер жігітке анасына үй сатып алып бермекші екенін білген соң дауыс берген.
24 жастағы биші бағдарламаның үшінші маусымында барлық кезеңнен өтіп, тәлімгер Мигельдің командасына барған.
© instagram.com/shebet_dmitrii
Дмитрий Абдуллиндер атындағы Шығыс Қазақстан облыстық өнер колледжін бітірген. Брейк-данспен айналысып жүргеніне 10 жыл болыпты. Түрлі бағыттарда би билейді. Ол 2013 жылы украиналық "Танцуют все!" бағдарламасына қатысып, жүлделі үшінші орын алған кезінде танымал болған еді. Содан кейін бірнеше клипте түсіп, қалаларда шеберлік дәрістерін өткізіп жүрген.
