Балам үшін үйдегі теледидарды лақтырсам ба екен?
1995 жылы Мәскеулік бір бизнесменмен дастархандас болдым. Өзі МГИМО (Московский государственный институт международных отношений) түлегі екен.
Бұған дейін біраз жыл бойы Сыртқы істер министрлігінде, сосын бірқатар елшіліктерде қызмет жасап, соңғы кезде бизнеспен айналысып жүр екен. Соның бір әңгімесі есте қалыпты.
Ол қызмет бабымен Лондонда жүргенде жергілікті бір миллионермен танысады. Өте ауқатты адам болса керек. Әлгі қонақжай ағылшын бірде мұны дәм татып кетуге үйіне шақырыпты. "Байлығы асып-тасып жатқан" ғимаратты аралап-танысып жүріп, қаптаған бөлменің ешқайсысынан теледидар байқамаған Совет дипломаты үй иесінен (мәдениетті түрде) мұның себебін сұрапты. Миллионер, себеп біреу ғана деп өзінің 14 жасар баласын көрсетіпті.
