Біреулер ас береді, артынан арақ береді
Құдайы ас беру демекші, бір жеңгемнің баяндаған әңгімесі есіме түсіп отыр, сіздермен бөлісуді жөн көрдім.
Ертеректе айналасын шақырып, ас беріп, әруақтарға құран бағыштапты. Сонда, келген кісілердің арасында біреуі масаңдау екен, яғни, арақ ішіп алған. Үйіне келген адамға кет деп айту ауылдың салтында жоқ нәрсе. Қызулау қонақтың өзі ұялып кете қоймайды да, тамақ берілген кезде ол да елмен бірге бұйырған дәмнен ауыз тиеді. Астан соң бата қайырылып, құран оқытылады. Сосын, қонақтар үйді-үйіне тарқайды.
