ЖЕҢІС РУХЫН БАСЫБҮТІН БАСҚАҒА БЕРУГЕ БОЛМАЙДЫ!

Жеңістің рухы керек бізге. Мейлі, орыстар оны өзінше жаза берсін. Америкалықтар да соғыс тарихын өзінше жазып алды ғой. Біз де өзімізше жазып, одан өз керегімізді алуға тиіспіз. Ақ-қарасын ажыратайық. Жеңістер - ұлттық рухтың анасы. Жеңісте біздің де үлесіміз, біздің де рухымыз бар. Мейлі тоталитарлық мемлекеттің құрамында болсақ та. Мейлі отар болсақ та. Аталарымыз бен әкелеріміз фашизммен күресті. Аянған жоқ. Мың-мыңдап қырылды, қан төкті, жанын берді. Енді келіп олардың ерлігін басқаша түсіндіріп жатсақ, аруағы кешірмейді. Біз өткенге тас лақтырсақ, болашақ бізге не ататынын қайдан білеміз? Болмайды олай істеуге!