Ақтөбе облысы әлеуметтік-экономикалық дамудың үдемелі қарқынына ие

Бүгінгі күні бұл аймақ - еліміздегі ірі өңірлердің бірі және әлеуметтік-экономикалық дамудың үдемелі қарқынына ие болып отыр

Ақтөбе облысы тәуелсіз Қазақстанның маңызды стратегиялық өңірі болып табылады, ал Ақтөбе облыс орталығы ретінде біздің еліміздегі серпінді дамып келе жатқан қалалардың біріне айналды.

Бүгінгі күні біздің өңірімізді аймақаралық ынтымақтастық орталығы, көлік-логистикалық хабы, сондай-ақ жоғары біліктіліктегі жұмысшы кадрларын даярлау орталығы деп қарауға болады.

Білім беру және кәсіби дағдыларды дамыту облыс үшін бірінші кезектегі маңызға ие, өйткені, аймақ тұрғындардың тұрақты өсуімен ерекшеленеді.

Ақтөбе облысы мұнайгаз өндіру, кен өндіру және өңдеуші кәсіпорындар мен минералды шикізатты пайдалануға байланысты өндірістерді дамыту үшін елеулі мүмкіндіктерге ие. Өңірде сан алуан пайдалы қазбалар орналасқан. Алайда аймақтыңбасты байлығы қай уақытта адамдары болып қала береді. Оның ішінде ең алдымен құрметтелетіні - облыстың қазіргі игілігі солардың күшімен құрылымдалып отырған Еңбек адамы!