+7 (777) 001 44 99
Қазақша
Русский
English
Шымкент қаласында Көксай ауданын жаңарту тұжырымдамасы жоспарлы іске асырылып жатыр. Тәуелсіздік күні мерекесіне орай қала әкімі Ғабит Сыздықбеков бұған дейін Транспорт көшесі, 5 және Нұрлыбаев көшесі, 2 мекенжайларында тұрған 20 отбасына жаңа пәтерлердің кілтін табыстады.
Айта кетейік, Тұжырымдаманы іске асыру басталғалы бері ауданнан 103 отбасы көшірілді. Тұрғындар Шымкент-сити және Тұран шағынаудандарындағы абаттандырылған үйлерге орналастырылды. Таза әрлеумен тапсырылған пәтерлердің бөлме саны бұрынғы үйлерге сәйкес келеді және қоныстануға толық дайын.
Мегаполис басшысы отбасыларды қоныстойымен және мемлекеттік мерекемен құттықтап, денсаулық, бақ-береке және барлық бастамаларына табыс тіледі.
Айта кетейік, Тұжырымдама аясында тұрғындарды көшіру және оларды жайлы баспанамен қамтамасыз ету жұмыстары кезең-кезеңімен жалғасын табады.
Жаңарту жобасы қала инфрақұрылымын жақсартып, тұрғындардың өмір сүру сапасын арттыруды көздейді. Алдағы уақытта Көксай аумағында жаңа әлеуметтік нысандар мен заманауи тұрғын үйлер салу жоспарланған.
