2022-2024 жылдары бюджеттен қанша ақша жұмсалады?

Дина Шарипханова
Дина Шарипханова Корреспондент
viewings icon comments icon

ПОДЕЛИТЬСЯ

whatsapp button telegram button facebook button
Фото: Tengrinews.kz/Тұрар Қазанғапов Фото: Tengrinews.kz/Тұрар Қазанғапов

Қаржы министрі Ерұлан Жамаубаев алдағы үш жылға жоспарланған республикалық бюджет шығыстары туралы айтты, - деп хабарлайды Tengrinews.kz тілшісі.

whatsapp button telegram button facebook button
Иконка комментария блок соц сети

Қаржы министрі Ерұлан Жамаубаев алдағы үш жылға жоспарланған республикалық бюджет шығыстары туралы айтты, - деп хабарлайды Tengrinews.kz тілшісі.

Мәжілісте "2022-2024 жылдарға арналған республикалық бюджет туралы" заң жобасын талқылау кезінде қаржы министрінің сөзінше, республикалық бюджет шығыстары 2022 жылға 15,9 триллион теңге, 2023 жылға - 15,6 триллион теңге, 2024 жылға - 16 триллион теңге.

Әлеуметтік блок шығыстары 2022-2024 жылдары 26,7 триллион теңге болады, оның ішінде 2022 жылға - биылғымен салыстырғанда 643,2 миллиард теңгеге көп, 8,1 триллион теңге.

"2022 жылы бюджеттің жалпы көлеміндегі әлеуметтік шығындар үлесі 50,8 пайызға дейін артады. Шығындардың едәуір көлемі әлеуметтік қамсыздандыру мен халыққа көмек көрсетуге байланысты", - деді Жамаубаев.

Бұл ретте денсаулық сақтау жүйесін дамытуға 2022-2024 жылдары 5,7 триллион теңге бөлінеді, оның ішінде 2022 жылға - 1,8 триллион теңге. Қаржы министрінің айтуынша, бұл қаражат аясында медицина қызметкерлері жалақысын көтеру қарастырылған.

Білім мен ғылым жүйесін дамытуға үш жылға 7 триллион теңге қарастырылған, оның ішінде 2022 жылға - 1,8 триллион теңге. Бұл бұрынғыға қарағанда 477,1 миллиард теңгеге көп.

Педагогтер, білім беру ұйымдарындағы медицина қызметкерлері жалақысын көтеруге 4,3 триллион теңге қарастырылған, оның ішінде 2022 жылға - 1,1 триллион теңге.

"Орта мерзімді перспективада экономиканың нақты секторын қолдау мен дамытуға арналған шығыстар 3,6 триллион теңге, оның ішінде 2022 жылға - 2 триллион теңге. Бұл бағыт аясында "Нұрлы жер", "Нұрлы жол", "Бизнестің жол картасы-2025", агроөнеркәсіптік кешен және т.б. мемлекеттік бағдарламаларды іске асыруға қаржы қарастырылған. Олар біртіндеп ұлттық жобаларға айналады.

Сондай-ақ, заң жобасын талқылау барысында бірқатар түзету енгізілді. Түзетулердің бірінші блогы Президенттің 1 қыркүйектегі Жолдауын қаржылай қолдауға бағытталған. Мемлекеттік қызметшілердің жекелеген санатының жалақысын көтеру үшін 2022 жылға 143,4 миллиард теңге сомасында қаражат қарастырылған", - деп қосты қаржы министрі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Tengrinews
Читайте также
Join Telegram Последние новости
Лого TengriNews мобильная Лого TengriLife мобильная Лого TengriSport мобильная Лого TengriAuto мобильная Иконка меню мобильная
Иконка закрытия мобильного меню
Открыть TengriNews Открыть TengriLife Открыть TengriSport Открыть TengriAuto Открыть TengriTravel Открыть TengriEdu Открыть TengriGuide

Валюта бағамы

 512.48  course up  582.55  course up  6.31  course up

 

Ауа райы

location-current
Алматы

 

Редакция Жарнама
Социальные сети
Иконка Instagram footer Иконка Telegram footer Иконка Vkontakte footer Иконка Facebook footer Иконка Twitter footer Иконка Youtube footer Иконка TikTok footer Иконка WhatsApp footer
yadro