+7 (777) 001 44 99
Қазақша
Русский
English
Енді Алматыдан Шымкентке 7777 теңгеге ұшып баруға болады, - деп хабарлайды Tengrinews.kz тілшісі. SCAT әуе компаниясының акциясы биылғы шілденің соңынан тамыздың ортасына дейін жарамды.
"SCAT әуе компаниясы Алматы - Шымкент және Шымкент - Алматы бағыттарында 7777 теңгеге саяхат жасау мүмкіндігін ұсынады. Бұл тариф 2015 жылдың 14 қыркүйегінен 2016 жылдың 26 наурызына дейін жарамды. Билетті 27 шілде мен 16 тамыз аралығында ғана сатып алуға болады", - деп хабарлады әуе компаниясының баспасөз қызметіндегілер.
Олардың айтуынша, билеттерді Қазақстанның барлық қалалаларындағы әуе кассаларынан және сайттан сатып алуға болады.
Осыған дейін SCAT компаниясының Астана - Павлодар рейсін ашып жатқаны хабарланған болатын. Сонымен қатар, жыл басында аптасына екі рет жасалатын Алматы - Қарағанды - Астана республикаішілік рейсінің ашылғаны белгілі болды.
