+7 (777) 001 44 99
Қазақша
Русский
English
15 қазан күнгі таңғы сессияда доллар бағамы 277,05 теңге болды, - деп хабарлайды Tengrinews.kz тілшісі. Айта кетейік, кеше, 14 қазан күнгі кешкі сессияда бағам 276,66 теңге болған еді.
Алғашқы сауда 277,1 теңгемен жүргізілді. Ең төмен баға - 276,95, ал ең жоғарысы 277,15 теңгеге тең болды. Сауданың жалпы көлемі 148,1 миллион доллардан асты. Саудаға валюта нарығының 21 мүшесі қатысты.
Айта кетейік, 9 қазанда Ұлттық банк кезекті рет интервенция жүргізді. Интервенцияның көлемі 78,1 миллион долларға тең болды. Теңге бағамына қолдау көрсету туралы шешім 16 қыркүйекте қабылданған болатын. Ол кезде Ұлттық банк нарықта алыпсатарлықтың болып жатқанын хабарлады, сол күні доллардың бағамы 300 теңгеге жетті.
Еске сала кетейік, 7 қазанда Ұлттық банк басшысы Қайрат Келімбетов бүгінгі жағдайдағы теңгенің бағамын лайықты деп атады.
