Доллар бағамы: Бір күнде тарихи антирекорд екі рет жаңарды

KASE күдізгі сессиясында доллар бағамы 357,66 теңгеге тең болды, - деп хабарлайды Tengrinews.kz тілшісі. Саудаға 25 банк қатысты.

Ақша айырбастау орындары долларды 359 теңгеден сатып жатыр. Айта кетейік, таңғы сессия қорытындысы бойынша доллар 355,52 теңгеге жеткен еді. Осылайша тағы бір тарихи антирекорд орнап отыр. Күндізгі сессиядағы сауда кезінде ең жоғарғы келісім 358,5 теңгемен жасалды.

Айта кетейік, бұған дейін сарапшылар теңге бағамының осы аптада қалай өзгеретінін айтқан болатын. Мамандар өткен аптадағы жағдайға қатысты да өз ойларын жеткізді.