Қазақстан банктері долларды 200 теңгеден қымбатырақ сатып отыр, деп хабарлайды Tengrinews.kz тілшісі.
11-ақпан сағат 11:30-дағы Қазақстан банктерінің валюта курсына, банктердің сайттарындағы ақпаратқа сүйенетін болсақ: БТА банкі: АҚШ долларын сатып алу 182 теңге, сату 190; Евроны сатып алу 250, сату 258; Халық банкі: АҚШ долларын сатып алу 179.45, сату 185.37; Евроны сатып алу 250.35, сату 255.40; Альянс банкі: АҚШ долларын сатып алу 155 т, ал сату 215; Евро сатып алу 222.9, сату 282.9 теңгені құрап отыр.
Сбербанк: АҚШ долларын сатып алу 184.50, сату 187.00; Евро сатып алу 245.00, сату 255.00; Темір банкте АҚШ долларын сатып алу 155.50, ал сату 156.00; Евро сатып алу 211.00, сату 214.00 теңге; Қалған банктердің веб-сайттары не істемейді, я болмаса, валюта курстарын нақты бейнелеп көрсете алмай жатыр.
Дәл осы кезде ВТБ-ның Алматыдағы ақша айырбастау орындары келесі цифрларды көрсетіп отыр: АҚШ долларын сатып алу 173 теңге, сату 195; Евро сатып алу 220, сату 265.5. Қазкоммерцбанктің банкоматтары әзірге істемей тұр, олар бас кеңсенің бұйрығынсыз курсты нақты шығармай отыр. Цеснабанктің бөлімшелерінде курс белгіленген: АҚШ долларын сатып алу 155 теңге, сату 210; Евро сатып алу 211, сату 280 теңге.