+7 (777) 001 44 99
Қазақша
Русский
English
Аудиторлар бюджет қаражатын жұмсау кезінде 44 миллиард теңгеге қаржылық заңбұзушылықтарды анықтады. Бұл туралы премьер-министрдің бірінші орынбасары, қаржы министрі Әлихан Смайылов мәлімдеді, - деп хабарлайды Tengrinews.kz тілшісі.
"Есеп кезеңінде 334 аудитор іс-шарасы өтті. Барлығы 187 миллиард бюджет қаражаты анықталды. 44 миллиард теңге қаржылық бұзушылық анықталды. Оның 38 миллиарды тауар жеткізу, қызмет көрсету және жұмыстарды орындау, бюджетке өтеу және есеп бойынша көрсету жолымен жойылды", - дейді Әлихан Смайылов.
Қаржы министрінің сөзінше, республикалық бюджеттің шығыстары 2,1 триллион теңге болған.
"Мемлекеттік бюджет шығыстары 96,5 пайызға, республикалық бюджет - 97,1 пайызға, жергілікті бюджет - 96,9 пайызға орындалды. Ал 62 миллиард теңге орындалмады, оның ішінде 10 миллиард теңге үнемделді. Игерілмеген сома - 52 миллиард теңге", - деді Смайылов.
Қазақстан жаңалықтары. Соңғы жаңалықтар. Telegram желісінде бізге жазыл!
